Wêreld Nuus
Die Voorsitter van Eskom, Malegapuru Makgoba, het ‘n streng waarskuwing gerig aan werknemers wat hul kollegas valslik van rassisme beskuldig, en het Eskom personeel aangemoedig om na te dink oor hoe hierdie beskuldigings iemand se reputasie kan beïnvloed, en dat diegene wat onseker is oor waaroor hulle kla, eerder moet stilbly.
Die Departement van Korrektiewe Dienste het Jacob Zuma vrygelaat nadat hulle die mediese verslag ontvang het, maar het geen verdere besonderhede oor die verslag gegee nie. Die Gevangenisdiens het oudpresident Jacob Zuma op mediese parool geplaas, minder as twee maande in sy vonnis van 15 maande weens minagting van die hof.
Die Portefeuljekomitee vir Justisie en Korrektiewe Dienste in die SA parlement het openbare kommentaar gevra op die opgedateerde wetsontwerp op die voorkoming van haatspraak en haatmisdaad, wat bedoel is om behoorlike straf op genoemde misdade op te lê. Die nuwe definisie van “haatmisdaad” is wanneer iemand ‘n ander persoon seermaak met opmerkings of beledigende opmerkings. Seermaak word gedefinieer as enige emosionele, sielkundige, fisiese, sosiale of ekonomiese skade. Volgens die nuwe wetsontwerp is dit dus ‘n misdaad om BSEB te bevorder en te adverteer. Dit sal ook ‘n misdaad wees om Kill The Boer Kill The Farmer te sing, of dreig om blankes se grond te neem, want dit veroorsaak beslis groot emosionele skade, trauma en skade.
Koue weer in winter is selfs vir diere vanselfsprekend, maar vir Eskom is dit ‘n verassing? Vir dekades in Apartheid, voor die ANC regime die destydse eerste wêreld land gegee is, het Eskom sonder onderbreking die aanvraag voorsien danksy goeie lang termyn beplanning en onderhoud maatreëls, maar nou het Eskom gewaarsku oor elektrisiteitsfoute in KwaZulu-Natal weens koue weer! Die vraag is, word krag nog stilletjies na die buitelandse #SAPP netwerk gestuur, wanneer ons gevra word om krag, waarvoor ons duur betaal het met belasting, te bespaar? Word ons ook daar geforseer om Afrika te onderhou en op die been te hou? Selfs Malawi se kragvoorsiener word “Escom” genoem!
Jacob Zuma moet ‘n hernude ronde hofgevegte onderneem, en hy bedel nou dat sy ondersteuners moet help om sy regskoste te betaal
“Gee dit terug aan Suid-Afrika” – Beyoncé en Tiffany & Co word daarvan beskuldig dat hulle ‘n “gesteelde bloeddiamant” gebruik het in hul advertensieveldtog. Hierdie storie ontbloot nie net die onkunde in die wêreld oor Suid Afrika se geskiedenis nie, maar meer en meer, word groot multinasionale maatskappye wat ryk geword het uit kolonialisme, maar wat aanhoudend Suid Afrikaanse blankes blameer, uitgevang wanneer hulle agter swartes probeer wegkruip om hul sondes te probeer verdoesel, en hul enorme profyte in onskuld te dek.
Suid Afrika het nou die ergste werkloosheid ter wêreld volgens ‘n Bloomberg monitor, en val nou onder ander rampspoedige lande soos Colombia, Cuba, Syria en Venezuela. Vir al Ramaphosa se mooi praatjies en beloftes, verstaan hy nie dat een hoofdoel van ‘n goeie regering, is om ‘n ekonomie daar te stel, wat die inwoners van die land die geleentheid gee om ‘n eerlike bestaan te kan maak. Die ANC regering doen dit allermins. Hulle stel ‘n voorbeeld van korrupsie en onvolwassenheid. Korrupsie bou geen ekonomie. Plundery is net dit. Dit bou niks. En dan die belaglike redes wat aangevoer word: gratis behuising, gratis onderrig, gratis als, wat die bogenoemde net vererger. En as ANC aanhangers dit nie gratis kry nie, gooi hulle ‘n vloermoer soos ‘n kleuter, en brand alles af wat hulle sien.
Al is die korrupsie van die kommissie na staatskorrupsie heelwat sigbaar vir diê wat aandag skenk, blyk dit dat Ramaphosa helfte van die mense gefop het, en die Zondo Kommissie omgekeer het na ‘n self promoverings platform, net soos hy gedoen het met die ANC Zuma geweld, wat hy gebruik het om sy mag in die ANC en in die regering te versterk. ‘n Meningspeiling het gemengde reaksies getoon op die werk wat die staatskommissie van ondersoek verrig het, sedert dit drie jaar gelede gestig is.
#EndCadreDeployment Die amptelike opposisie, die Demokratiese Alliansie (DA), het aan die waarnemende speaker van die nasionale vergadering, Lechesa Tsenoli, geskryf en gevra vir ‘n parlementêre debat oor die sosialistiese kaderontplooiing wat deur die African National Congress (ANC) toegepas word, omdat hulle glo dit het gelei tot die ineenstorting van die staat. Hulle het hierdie versoek as ‘n saak van nasionale belang beklemtoon.
Cyril Ramaphosa se bondige getuienis by die Zondo -kommissie Woensdag laat meer vrae as antwoorde, wat adjunkhoofregter Raymond Zondo ‘n raaisel van die Brian Molefe soort los. Na dekades in die hoogste kringe van politiek in Suid Afrika, beweer Ramaphosa dat hy onbewus was van wat om hom aangaan? Ramaphosa, wat toe adjunk van President Jacob Zuma was, het erken dat hy Zuma aangeraai het om “Mnr Fixit” Brian Molefe te skyf van Transnet, en aan te stel as Eskom se uitvoerende hoof in 2015, maar die Guptas het al geweet dit kom in 2014?