Wêreld Nuus
Nieteenstaande die benoeming as een van de ergste hawens ter wêreld, en kort nadat ‘n hele skeepshouer van ammunisie verdwyn het van Durban hawe tydens onlangse onluste, beplan Transnet Port Terminals om ‘n “superterminal” in Durban te skep, wat die hawe in staat sal stel om baie groot vaartuie te hanteer, en hopenlik die doeltreffendheid van die hawe sal verbeter. Maar blykbaar wil die ANC private beleggers se geld op die spel plaas.
Cyril Ramaphosa se bondige getuienis by die Zondo -kommissie Woensdag laat meer vrae as antwoorde, wat adjunkhoofregter Raymond Zondo ‘n raaisel van die Brian Molefe soort los. Na dekades in die hoogste kringe van politiek in Suid Afrika, beweer Ramaphosa dat hy onbewus was van wat om hom aangaan? Ramaphosa, wat toe adjunk van President Jacob Zuma was, het erken dat hy Zuma aangeraai het om “Mnr Fixit” Brian Molefe te skyf van Transnet, en aan te stel as Eskom se uitvoerende hoof in 2015, maar die Guptas het al geweet dit kom in 2014?
Transnet het Woensdag gesê dat een van die belangrikste spoorlyne in die land, wat Durban met Gauteng verbind tydelik gaan sluit. Die aankondiging kom kort op die hakke van die tydelike sluiting van SAPREF olieraffinadery.
Volgens die ondersoekdirektoraat (ID) het die pogings om die Gupta-broers en hul vrouens na SA terug te bring toegeneem, om tereg te staan op aanklagte, na Interpol rooi kennisgewings oor hul inhegtenisneming uitgereik het.
Paul Holden, navorser van Shadow World Investigations, het Vrydag glo aan die staatskapingkommissie gesê dat die staat meer as R1 miljard betaal het om die Optimum-myn vanuit die Gupta-besit te koop.
Die sukkelende hawe van Durban is aangewys as een van die drie slegste vragterminale uit 351 bekwame hawens ter wêreld, in ‘n verslag van die Wêreldbank, wat ook wys dat Ngqura, Port Elizabeth en Kaapstad ook nie veel beter vaar nie.
In kategorieë waarin administratiewe prosesse beoordeel word, sowel as die Statistiek afdeling – waar daar na Infrastruktuur- en Bedryfsvereistes gekyk word, eindig Durban laaste uit 351 ander hawens vir albei, met Ngqura, Port Elizabeth en Kaapstad wat net so sleg vaar, en onder die slegste vyf in beide kategorieë ook val!
Luister Hier: