Wêreld Nuus
Hanlie Geldenhuis, ‘n weerlose bejaarde vrou, met die ryp ouderdom van 94 jaar, se lewe het tragies tot ‘n einde gekom aan die hand van ‘n onbekende aantal barbare. Hulle het haar die nag van 27 Augustus 2021 summier deur die venster geskiet. op haar plaas in Kalbasfontein, in Westonaria, Oos van Fochville, in die Gauteng-provinsie van Suid-Afrika.
Die land val uit mekaar uit en word oorheers deur bendes, kriminele, bedreigers en korrupte ANC kaders, wat Miljarde belastingbetalers geld in hul sak steek, en die NVG en Valke het heeltemal misluk, om enige verskil in die tsunami van misdaad te maak. Inderdaad, nie eens 56 moorde per dag in gruweldade soos plaasmoorde, verkragtings, kapings, huisbesettings, marteling, transito rooftogte waar bombe en masjien gewere gebruik word, ensovoorts, kan hul aanspoor om wet en orde toe te pas nie. Die NVG en Valke wil liewer lyf wegsteek en die ou apartheids donkie looi, om die aap agter die bos te gaan haal, om drie dekade oue “misdade” te gaan soek van die apartheids era. Hulle vergeet dat onder apartheid was die ANC verban, vir goeie rede, want ons sien elke dag die hel wat ANC se sosialisme meegebring het. ‘n Kommunis se misdaad is ‘n ander se veiligheid, en dit is die NVG en Valke se verskoning om nie hul eie makkers te agtervolg nie.
Al het die plaasaanvalle wat landwyd aangemeld is sedert April 2020 gedaal na 395, het die plaasmoorde gestyg na 59 vanaf 41 die vorige jaar, wat beteken dat die aanvalle dodeliker word.
AfriForum het gister hul weergawe van die statistieke oor plaasaanvalle en -moorde bekend gemaak. Die hoof van beleid en optrede van die organisasie, Ernst Roets, het gesê dat hoewel daar in die boekjaar 2020/2021 ‘n afname in die aantal plaasaanvalle was, was daar steeds ‘n toename in plaasmoorde.
Luister Hier:
Die film Treurgrond het sy eerste nasionale toekennings verower. Dit het plaasgevind by die internasionale filmfees in Amsterdam in Nederland waar dié film bekroon is as die beste buitelandse film, en waar die film ook die toekenning gekry het as film met die beste kinematografie.
Die film handel oor die realiteit en wreedheid van plaasmoorde, terwyl die kwessie van grondeise ook ‘n prominente rol in die film speel. Steve Hofmeyr speel die hoofrol daarin.
Kallie Kriel, uitvoerende hoof van die burgerregte-organisasie AfriForum, en Ernst Roets, adjunk- uitvoerende hoof, vertrek vandag na die VSA waar hulle Suid-Afrika se situasie rondom plaasmoorde en die ANC se planne vir onteiening sonder vergoeding sal belig.
AfriForum se verskerpte veldtog om die internasionale gemeenskap se aandag op plaasmoorde en onteiening van eiendom sonder vergoeding te vestig, het die afgelope tyd vinnig spoed opgetel, sê Kriel.
Sedert ’n gesiene Australiese joernalis op besoek aan Suid-Afrika deur AfriForum geneem is om onderhoude eerstehands met plaasaanvalslagoffers te voer, het letterlik tientalle berigte oor plaasmoorde en die ANC-regering se voorgenome miskenning van eiendomsreg in die Australiese en ander hoofstroommedia verskyn. Prominente politici in Australië het kennis geneem en sterk standpunt ingeneem. Optogte teen die moorde en onteiening is onder meer in Perth en Brisbane in Australië gehou. In Maart is daar ook in Br