Duitsland: Sosialiste Nomineer hul Kanselier Kandidaat om Merkel te Verplaas

Die Duitse ver linkse Sosialiste, wat tans in koalisie is met die linkse Christen-Demokratiese-Unie van kanselier Angela Merkel, het die naweek hul kandidaat vir die kanselierpos gekies. Olaf Scholz is benoem om die Sosiaal-Demokrate se veldtog vir die algemene verkiesing in September te lei.

Hy sal Armin Laschet van die Christen-Demokrate Unie (CDU) en die Groenes se Annalena Baerbock teenstaan. Scholz is tans die Minister van Finansies in Merkel se linkse koalisieregering en word algemeen beskou as ‘n sterk kandidaat wat teen die CDU se Laschet sal staan.

Luister Hier:


ANC se Eiendomswet is die Rooi Gevaar in Skaapsklere!

Dit is duidelik tot wat ‘n mate mense gedesensitiseer is, oor Sosialisme en die Rooi Gevaar, uit opmerkings tydens die openbare verhore van die portefeuljekomitee oor openbare werke en infrastruktuur, oor die onteieningswet. Dit is duidelik dat deelnemers geen idee het van die implikasies van hierdie wet nie. Dit is dus die taak van die ad hoc-groep vir die beskerming van eiendomsreg om die publiek te waarsku, oor wat die gevolge vir die land en sy mense sal wees as die wet toegepas word.

By die verhore laas naweek in Orange Farm, Gauteng, het die deelnemers hul mening uitgespreek dat die Covid-19-pandemie gebruik moet word om die implementering van die Onteieningswet te bespoedig, en sodoende toegang tot openbare gesondheidsorg, polisiekantore, behuising, werk te kry, en ekonomiese geleenthede. Die “Groot Herstel” waarvan Ramaphosa en Sosialiste wêreldwyd praat is nie ‘n grap of fopnuus nie.

Luister Hier: