Wêreld Nuus
Nie dat dit ‘n verbasing was vir mense wat die ANC se onbevoegtheid ken nie, maar die swak beplanning, al was daar waarskuwings dat onluste sou uitbreek, en die onbeholpe hantering van die onluste-situasie deur die ANC-regering en sy wetstoepassingsagentskappe, in KwaZulu-Natal en Gauteng laas week, het die reeds sukkelende beleggersvertroue in Suid-Afrika ‘n ernstige knou toegedien.
In ‘n studie wat verlede week gepubliseer is, het die Fitch-kredietgraderingsagentskap die ANC-regering, wat nog steeds huiwerig is om die salaris vereistes van die openbare sektor vir die volgende termyn van drie jaar te oorweeg, gewaarsku oor hul onvermoë om beheer oor besteding uit te oefen, wat kan lei tot verdere begrotings probleme.
Die graderingsagentskap het daarop gewys dat die vergoeding wat aan die openbare sektor betaal word, wat ‘n massiewe 35% van die arbeidsmag uitmaak, nie goeie resultate sal lewer nie. Verder kan enige salarisverhogings en aanpassings nadelig wees, want die groei in die land sal slegs ongeveer 2% vir die boekjaar wees.
Luister Hier: